005 - Cumben de ls Zoelas [2]

L testo stá an piedras que nun se sabe al cierto adonde fúrun achadas i hoije stan an museu alman. L tratado ye de l anho 152 d.c., l die 11 de Júlio, i corresponde al 3º tratado de ls Zoelas.

Glabrione et Homullo consulibus V Idus iulias idem gentilitas Desoncorum et gentilitas triviadorum in eadem clientelam eadem foedera receperunt ex gente Avolvigorum Sempronium Perpetuum Orniacum et ex gente Visaligorum Antonium Arquium et ex gente Cabruagenigorum Flavium Frontonem zoelas

egerunt L. Domitius Silo et L. Flavius Severus Asturicae.

[Traduçon an mirandés (por Amadeu Ferreira):

Sendo cónsules Glabrio i Homullus, a 5 de ls idus de júlio [11/07/152], la mesma gentelidade de ls Desoncos i la gentelidade de ls Tridiabos aceitórun naqueilha clientela i ne ls ditos cumbenes a Semprónio Perpeto Ourniaco, de la gens de ls Abolgigos i a Antonho Árquio de la gens de ls Bisáligos i a Flábio Fronto de la gens de ls Cabruagénigos, ambos a dous zoelas.

Fazírun l cumben L. Domitio Silo i L. Flábio Sebero an Asturica.]

004 - Cumben de ls Zoelas [1]

L testo stá an piedras que nun se sabe al cierto adonde fúrun achadas i hoije stan an museu alman. L tratado ye de l anho 27 d.c., ne l die 4 de Maio, i corresponde al 2º tratado de ls Zoelas, yá que tenerá habido outro que se perdiu, yá que l própio testo diç que este ye la renobaçon dun mais bielho.

M. Licinio Crasso L. Calpurnio Pisone consulibus IIII Kalendas maiasgentilitas Desoncorum ex gente Zoelarum et gentilitas Tridiavorum ex gente idem Zoelarum hospitium vetustum antiquom renovaverunt eique omnes alis alium in fidem clientelamque suam suorumque liberorum posterorumque receperunt

egerunt Arausa Blecaeni et Turaius Clouti Docius Elaesi Magilo Clouti Bodecius Burrali Elaesus Clutami per Abienum Pentili magistratum zoelarum

actum Curunda

[traduçon an mirandés (por Amadeu Ferreira):

Sendo cónsules Marco Licínio Crasso i Lúcio Calpúrnio Piso, a 4 de las kalendas de Maio [28/04/27], la gentelidade de ls Desoncos, pertenciente a la gens de ls Zoelas, i la gentelidade de ls Tridiabos de la mesma gens de ls Zoelas, renobórun un cumben de houspitalidade mui antigo i todos eilhes se recebírun uns als outros ambaixo la sue porteçon i clientela i la de sous filhos i decendientes.

Assinórun Arausa, filho de Bleceno i Turaio filho de Cloutio, Dócio filho de Elesus, Magilo filho de Cloutio, Bodecio filho de Burralo, Eleso filho de Clutamo, cula mediaçon de Abieno filho de Pentilo, magistrado de ls Zoelas.

Feito an Curunda.]